Vedomstvo basshysy barlyq sybaılas jemqorlyq qylmysynyń úshten birin para berýshiler quraıtynyn aıtyp, olardyń sany tómendemeı otyrǵanyna alańdaýshylyq bildirdi. Agenttik Tóraǵasynyń pikirinshe, halyqqa para berip, óz máselesin tez ári jeńil sheshken yńǵaıly. Adamdar zańsyz artyqshylyq nemese paıda alý, bıýrokratııalyq kedergilerdi aınalyp ótý úshin para berýge májbúr.
Agenttik tóraǵasynyń pikirinshe, bul másele ishinara azamattardyń mentalıtetine baılanysty. Keıbir adamdar úshin máseleni paramen sheshý ómir súrý normasyna aınalǵan.
«О́kinishke oraı, «qol aqysyn berý», «syı-sııapat berý» sekildi jaǵymsyz ádetter halyqtyń boıyna sińip ketken. Iаǵnı, adamdar sheneýnikterdiń para alýyna sanaly túrde barady», dedi ol.
M.Ahmetjanovtyń aıtýynsha, para berýshi adamdar da qylmysqa qatysýshy bolatynyn jáne tıisti jaýapkershilikke tartylatynyn túsinýi tıis.
«Sıfrlandyrý, quqyqtyq quraldar men bıýrokratııalyq kedergilerdi joıý, jumysty ashyq jáne aıqyn etý – jemqorlyqty joıýǵa yqpal etedi. Sonda ǵana halyq Agenttikke júginip, kómek suraıdy», dep qorytyndylady ol.
